雷火小说网

手机浏览器扫描二维码访问

一路走来生活 粤文（第1页）

&esp;&esp;我十八岁嗰年离家出走。走得好急，无详细计划过之后会点。唔理喇！我下定决心绝对唔会食回头草！我想尽办法赚钱，除咗正职，仲有做几份兼职。捱到成个人残晒，瘦到似个初中生。收留我嘅朋友惊我随时暴毙。我笑笑口同佢讲：「我唔惊死，我最惊係唔知为乜而死。」

&esp;&esp;有时夜深人静，我屈喺张床瞓唔着，碌嚟碌去，好自然会諗自己做咁多嘢係为乜。我一直只係知道自己「唔想要乜」，无确实知道自己「想要乜」。断断续续諗咗好多晚，最后諗起以前一直想做作家。

&esp;&esp;我由中一开始钟意写小说。当年唔係家家户户有电脑，网络小说唔盛行，我只可以投稿去报纸杂志或者参加比赛。直至临近会考，为咗专心温书而「暂时」停写小说。点知考完之后又走去做暑期工，做完暑期工又要四围扑学校……搞下搞下，我无再写小说。

&esp;&esp;写小说係我嘅梦想？我唔肯定，但係我开始再次写小说。

&esp;&esp;我份人好现实，唔会投放好多时间写小说。只得忙里偷间，返工时候偷偷哋随手攞张纸嚟写（用手提电话写小说太张扬）。每次写几句，几句几句加埋就係一篇小说，所以我写嘅小说大部份都係短篇。虽然我本身对长篇有情意结，不过而家都唔错——有得写已经好开心。

&esp;&esp;两年半之后，终于够钱租屋，唔使再打搅朋友。临搬走嗰晚，朋友问我之后有乜打算。

&esp;&esp;「而家日做夜做，我身体好易捱唔住。长远嚟讲，我一定要搵份高人工嘅正职，唔再做兼职。」我自细成日病，离开屋企无疑係搵命博。

&esp;&esp;「你学歷唔高喎！」朋友即刻諗到重点。

&esp;&esp;「我知。一早有准备！」我讲述铺排咗两年嘅计划：「两年前，我去学autocad，而家做绘图员，下一步係应徵做室内设计师。」

&esp;&esp;「识画图等如识设计？」朋友唔係好明。

&esp;&esp;「唔係。」我简单讲下呢两年嘅大发现：「重点係做设计师唔使考牌。只要有基本相关知识，加上有胆量、有口才，氹到客人落单，其馀嘅可以边做边学。」

&esp;&esp;「真係？」朋友唔相信可以咁简单。

&esp;&esp;「真係。」其实我都认为未必可以咁顺利，不过点都要放手一博。

&esp;&esp;今日去见工。换好衫，化好妆，照镜。我就快二十一岁，镜中人睇落似三十一岁，老、残、瘦、乾，根本唔係一个廿岁嘅年青人。无计——我点都唔会返转头，唔返转头嘅代价就係不停向前走，唔可以停。

&esp;&esp;见工过程顺利，老闆即场决定请我。虽然被压价在所难免，好彩最后价钱尚算合理。做咗几日之后，老闆讲解请我：因为我个样够老，睇落成熟，客人会比较放心。我表面假笑，个心就喺度讲粗口。

&esp;&esp;眨下眼又过咗四年几，我将近二十五岁。我知道自己喺呢间公司大限将至：老闆为咗唔使畀「长期服务金」，所以公司内无一个员工可以过到五年。无所谓，东家唔打打西家！

&esp;&esp;点諗到返新工半年之后撞啱经济不景，公司无乜生意，一次炒几个人，包括我。我又再搵工。好多公司以「经济不景」为由乘机大幅压价。我理解，但係接受唔到！

&esp;&esp;嬲。嬲到两日无搵工，当係俾自己休息下。

&esp;&esp;嬲完之后，又死死地气搵工，同时搵细屋搬。比起住得唔舒服，我更加怕四围问人借钱。嗰种感觉好惨，好似擘开个好痛嘅伤口任人睇，而且对方睇完之后唔单止未必帮我，仲会畀面色我睇。

&esp;&esp;我喺唐楼租咗间劏房。开头几日好唔习惯，硬係觉得自己嘅地头多咗好多间杂人（即係其他劏房租客）。有几个租客成日嗌交，嗌到好激烈，喊打喊杀。虽然最终无特别事发生过，不过我次次都好惊。一个月之后，我勉强算係习惯咗新嘅生活环境。

&esp;&esp;凌晨时分，马路无车，大街无人，租客又瞓晒，四围好静。突然听到有狗吠声。我开窗望下隻狗喺边。望下望下，我喊咗——点解我喺度望狗?？我唔係应该写紧小说咩？

&esp;&esp;我已经好耐无写小说。因为攰，因为心情差，因为忙，然后不知不觉无写小说。而家呢？我呢一刻有番写小说嗰种感觉喇，但係我无攞起纸笔，亦无拎起个电话，因为我惊开灯，又惊要叉电——电费好贵！

&esp;&esp;我做咁多嘢係为乜？而家竟然连灯都唔敢开！

&esp;&esp;我尽力唔喊出声，不过最后依然嘈醒晒其他租客。粗口横飞，我嘅祖宗十八代同阿妈无一倖免。无几耐之后，粗口突然停晒。

&esp;&esp;「楼下火烛呀！」

&esp;&esp;太突然喇！我呆住，以为自己发紧梦，直至房门出面越嚟越嘈，我清楚听到其他租客嘅脚步声、呼救声、杂物碰撞声……我呢个时候终于相信自己唔係发梦，而係真係咁黑仔，真係遇着火烛！下意识即刻擸起手袋，跟住其他租客衝去后楼梯。

&esp;&esp;我今日见工用过呢个手袋，入面有齐履歷表、证书。至于手袋入面係咪有齐逃生三宝（湿毛巾、锁匙、手提电话），我唔知，亦唔想理。我关心係咪搵到工多过係咪保得住条命！我惊搵唔到工多过无咗条命！

&esp;&esp;好彩后楼梯无乜杂物，我好快落到楼下，跟住消防员指示去到安全地方。远远望到自己间房嘅窗口冒出浓烟，然后见到火舌慢慢由室内烧到出外墙。我个脑突然空白晒，第一次感受到咩叫「一无所有」——连情绪都无埋。过咗半个鐘，火势越嚟越大，升做三级火，估计有排救唔熄。我跟其他租客去临时庇护中心过夜。

&esp;&esp;肚好饿，地好硬，冷气好冻，所有灾民个身都好臭。我觉得好讨厌，但係我接受——银包漏咗喺单位入面，而家我无钱、无提款咭喺身；如果唔接受，我就要搲烂块面问人借宿借钱。

&esp;&esp;唔好諗，快啲瞓！

离婚后还是选择同居（H）  忆中兰  紫罗兰玫瑰  野生动物  我的竹马不对劲  万人迷A不想谈恋爱［穿书］（GL）  出轨后我和所有人都HE了  强行撩妹  协议结婚后我失忆了  秘密的掠夺（纯爱）  岑教授的小青梅  伪君子哥哥他死活不承认爱（ 校园）  盛放如昔的花  再见，过客  囡囡  别拆穿我的假面具  花样郎君  窥星（父女）  直播间女神是我前世的老婆  冉冉向东